张敬轩工人姐姐炮制“硬狗”：港岛掟到上罗湖都唔烂

张敬轩将于红馆开演唱会，今日宣布加场，但他似乎好轻松，日前撰长文讲睇《全民造星III》观后感，今日又再化身「早餐界KOL」，公开工人姐姐最新「杰作」，硬到有声的吞拿鱼三文治。

轩仔早前已「炫耀」新聘工人姐姐精心炮制的7日早餐，令大家笑爆嘴。今早再有新菜式，看上去卖相不俗，但他拍了一条有声片，用面包敲击碟边，竟然发出「哼哼」声！

轩仔写道：「阿大人就帮我攞个包出嚟，我觉得都开心慨，因为终于有其他颜色慨嘢喇。跟住咧，我就攞起个包喇喎，介绍返罗湖直通包，喺港岛掟到上罗湖都唔烂！我有食晒，因为下一餐要等到癫拿先有时间食。我冇硬，不过个包有！你畀把刀我做乜鬼唧？摆低把锯吖嘛！BTW，个包个Key系E6，好似系，除非唔系！包坛靓声王！个包铿铿铿铿声，唔知是咪贺许廷铿出碟呢？碳水达人载誉归来，热狗变硬狗，我食到硬狗狗！」

身为「星级牙医」的许廷铿看到留言都表示会帮忙：「喂……咁硬慨……我帮到你呀……棚牙！」胡定欣亦加入战团笑轩仔：「知你钟意硬嘢，帮你『看底』呀蛇。」阿Sa蔡卓妍、周家怡都有疑问：「点解可以咁硬慨？摆咗入冰箱？！」