冯盈盈专黐有钱人被骂“green茶裱”？郑衍峰开腔护航！

TVB娱乐台主播郑衍峰昨日出席无綫节目《big big shop 中秋感谢祭》录影，对于被拍到与冯盈盈孖住出席胡美贻有米男友Reeve生日P，席间开绿灯让盈盈与有钱人混熟，衍峰即为盈盈护航：“如果拣朋友要视乎有冇钱、背景或者红唔红，咁我都做唔到佢朋友啦！Reeve系我18岁已经识，盈盈同佢都有共同朋友嘅，我同盈盈、美贻都系同事，美贻做榴连生意，盈盈又锺意食榴梿，唔知会唔会有赞助呢？（同盈盈公开恋情咪唔使再惹新闻啰！）大家目前专注工作，节目上系好拍档（你连盈盈生理期都知喎！）我只系比较细心，会留意朋友讲嘢啫！”

陈敏之与张秀文为无綫节目《big big shop中秋感谢祭》录影，早前被拍到四出睇楼的秀文，问到是否努力储钱中？她说：“一直都储咗好多年，但进度好慢，加上疫境关系，储蓄数字系直线下降，都谂住拣啲400万以下，又唔太方便嘅地区做目标，唔想靠屋企人，依家出面租楼OK，但买楼投资系理想。（搬返屋企住！）屋企已经冇我嘅位置，妈咪唔愿意接收我，佢话或者我搵个老公一齐买楼会快啲，但呢个人选未出现，我相信缘分，等唔时机就会出现。”

与黎诺懿合作煮食综艺节目的敏之，透露这次会在节目中分享小朋友食物伴碟制作，复杂菜式则交由诺懿处理，问到可会打友情牌邀请嘉宾？敏之说：“公司都搵咗好多，希望真系发掘到啲隐世厨神，好似黄智雯，可能到时跳住舞煮呢，仲有陈炜，知佢平时会煲汤，但我未试过佢手势，男仔方面我就知梁竞徽识煮嘅。”

黎诺懿昨日为TVB节目《big big shop 中秋感谢祭》录影，刚完成剧集《刑侦日记》拍摄的他，紧接为新剧《C9特工》宣传，稍后亦要准备新煮食节目拍摄工作，忙碌非常，笑言有意邀请王敏奕及姜皓文任嘉宾，于节目内大显身手。问到现时是否厨艺了得？他坦言经常被太太投诉摆盘未够靓：“佢攞谢霆锋啲作品同我比，其实我有买咗3本书学摆盘，但真系记唔到入脑，本身对颜色美感冇触觉。”

谈到《刑》剧拍袁伟豪宣布同张宝儿求婚成功，他说：“祝福佢哋快啲结婚，虽然我都系同大家一齐知，但之前都估到，呢个岁数遇到对的人！（催生女对亲家？）可能我都生到女呢，好在生咗个仔先冇压力。”

转自看港剧