汤洛雯买定零食做宅女！高海宁除咗开工，已经一个几月无出街！

新冠肺炎疫情于本地愈见严重，确诊数字连续几日创新高，情况令人担心，有专家医生建议若疫情持续爆发，应该实施禁足令！艺人们也纷纷表态，指若然正式实行禁足也乐意配合。

汤洛雯（靓汤）就表示向来喜欢做宅女，再加上疫情就更觉居家最安全，她说：“不嬲唔锺意出街，上星期到依家冇出街，其实室内室外都有戴口罩，为人为己戴番安全啲，居家防疫都持续几个月，头几个月系唔习惯，依家习惯，呢排冇剧拍，唔使出街，感觉安全啲，唔怕闷，想睇嘅剧之前都煲晒，早排Gym房唔开真系会长肉，所以买咗啲健身器材喺屋企，好似单车机、太空漫游机同哑铃，用嚟操弗自己，又买咗啲书睇，打发时间。（支持禁足令？）冇话支唔支持，唔知点先可以停止呢场疫症，要经专业人士决定，但如果大家呢段时间多啲留喺屋企，应该都可以减低喺外面嘅感染机会。”讲明黐家的靓汤果然讲得出做得到，于社交平台限时动态上载一大堆零食照片，看来即使足不出户成个星期，都不怕饿亲肚仔，未知如此细心的举动，是否男友马国明所为呢？

前港姐陈晓华亦同样赞成禁足：“有Keep住留意疫情进展，呢排好似严重咗，我都冇见朋友，因为有存在风险，所以唔使工作都会留喺屋企，呢段时间多数会睇书同做运动，唔想自己懒，同学吓新嘢，好似研究新剧剧本，每日读报纸改善懒音，暂时最长3、4日冇出街，有工作先出去，尽量都可免则免，如果禁足令真系实施都会配合。”

高海宁则表示会听从专家及医生建议：“个人唔介意禁足，可能最快同最有效方法降低疫情，之前疫情爆发都冇咩出街，喺屋企一个几月冇出街，都系睇书、煮饭、煲剧、打机同瞓觉。

已有5日没有外出的女星何珮瑜：“每日喺屋企同妈咪念经，睇啲佛故事，有时睇吓电影同喺客厅做运动，都几充实。曾经睇过一篇文章觉得非常好，我都喺今次疫情期间睇开好多，从呢一切开始好似全世界都提醒你要学懂珍惜，我彻底明白世事无常呢句说话。（支持禁足令？）如果真系实行都支持，因为大家都想身体健康，疫症早啲离去。”

乔宝宝：“唔支持一下子实行禁足令，应该先慢慢收紧法例，好似商务人士等，唔应该豁免测试，应该要隔夜至少24小时，做埋测试呈阴性先好放行，依家香港9成人都有戴口罩，防疫得唔错，如果每个嚟香港嘅人都做测试，唔好有任何豁免，应该会帮助好大。”谈到最长禁足时间，乔宝宝坦言是于英国及香港隔离的14日，期间每日只食、瞓及睇电视，结果不自觉增磅。

徐荣：“加强做措施系正常，本身都少出街，意识上系留屋企安全啲，我因为日日开工要出街，系高危人士，所以一返屋企即刻清洗，平时一有时间就会做运动，啱啱又买咗啲器材喺屋企做。”

转自看港剧